Першапачаткова музей размяшчаўся ў левым крыле Дома культуры чыгуначнікаў імя С.М. Кірава. Невялікая экспазіцыя была аформлена ў двух маленькіх пакоях. На сценах у асобных рамках былі прымацаваныя фатаграфіі К.С. Заслонава, яго баявых таварышаў-партызан.
20 красавіка 1952 г. пад экспазіцыю музея перадалі будынак былога Дома піянераў чыгуначнага вузла па вуліцы Молакава, 9, дзе музей размяшчаецца і сёння. 14 лістапада, у дзень 10-й гадавіны гібелі Заслонава, новая экспазіцыя была адкрыта для наведвальнікаў. У стварэнні гэтай экспазіцыі значную дапамогу аказаў Беларускі Дзяржаўны музей гісторыі Вялікай Айчыннай вайны. У зборы матэрыялаў для музея ўдзельнічалі былыя партызаны-заслоновцы, таварышы Заслонава па працы на транспарце, жыхары горада Оршы.
З 1973 па 1983 гады ў музеі адбыліся буйныя змены. Стала якасней камплектаванне фондаў, быў праведзены капітальны рамонт будынка, да асноўнага будынку была зроблена прыбудова. У 1976 году была перааформленf экспазіцыя музея. У яе стварэнні прымалі ўдзел вядучыя мінскія мастакі Салаўёў В.М., Маліноўскі Р.С., Ермонин В.М.
У 1994 годзе ў гісторыі музея адкрыта новая глава: ён становіцца філіялам Установы культуры «Музейны комплекс гісторыі і культуры Аршаншчыны». З гэтага моманту ўдасканальваецца дзейнасць музея па асноўных напрамках, пашыраецца выставачная дзейнасць, прымяняюцца новыя формы музейнай працы.
Сёння ў музеі праводзіцца папулярызацыя патрыятычнага выхавання моладзі, актыўна падтрымліваецца праграма міжнароднага супрацоўніцтва, на новы ўзровень перайшла выставачная дзейнасць – тэматыка выстаў стала шырэй, цікавей, супрацоўнікі музея арганізуюць разнапланавыя культурна – масавыя мерапрыемствы, вядуць шырокую навукова – даследчую працу, наведвальнасць музея расце за кошт разнастайнасці тэматычных экскурсій і якасці абслугоўвання наведвальнікаў.
Вялікую дапамогу музею ў яго працы працягваюць аказваць былыя партызаны – заслонаўцы, ветэраны вайны і працы, кіраўнікі і калектывы чыгуначнага вузла і раённага аддзела адукацыі.